3, மார்ச் 2012
வாழ்க்கையை பெரிய கண்ணோட்டதிலிரிந்து பாருங்கள். நான்
எப்பொழுதும் இங்கே இருப்பேன் என்று எத்தனை பேர் நினைத்துக் கொண்டிருக்கிறீர்கள்? அடுத்த
30 வருடங்களுக்கு இங்கே இருப்பேன் என்று எத்தனை பேர்
நினைத்துக் கொண்டிருக்கிறீர்கள்?, உங்கள் கைகளை
உயர்த்துங்கள். அடுத்த நூறு வருடங்களுக்கு எத்தனை பேர் இங்கே இருக்க போகிறீர்கள்?
நாம் வாழ்க்கையை பெரிய கண்ணோட்டதிலிரிந்து பார்ப்பதில்லை. என்
அன்பார்ந்தவர்களே எப்பொழுதும் நீங்கள் இங்கே இருக்க போவதில்லை, அதை நினைவில் கொள்ளுங்கள். இவை எல்லாம் இங்கேயே இருக்கப் போகின்றன.
மலேசியா இங்கேயே இருக்கும், கோலாலம்பூர் இங்கேயே இருக்கும்
ஆனால் நீங்கள் இருக்க மாட்டீர்கள். உங்களுக்கு முன்னும் இது இங்கே இருந்தது.
நீங்கள் அடுத்த முப்பது அல்லது நாற்பது வருடங்களுக்கு
இங்கே இருப்பீர்கள் பிறகு என்ன,
எங்கே இருப்பீர்கள்? வாழ்க்கை என்றால் என்ன? நீங்கள் யார்? இந்த கேள்விகள் உங்களில்
எழ வேண்டும், அப்படி
நடந்தால், உங்கள் புத்தி முதிர்ச்சி அடைந்திருப்பதை
காட்டுகிறது.
நீங்கள் என்னுடன் இருக்கிறீர்களா?. நான் என்ன
சொல்கிறேன் என்பதை ஏற்றுக் கொள்கிறீர்களா?. ஆகையால், நாம் வாழ்க்கையை பெரிய கண்ணோட்டத்துடன் பார்க்கும் போது, பிறகு சிறியவைகள், முக்கியமில்லாத விஷயங்கள் எல்லாம்
வெளியேறிவிடும் . எல்லா சிறிய சண்டைகள், கவலைகள், அவர் என்ன சொன்னார், இவர் என்ன சொன்னார், அவை எல்லாம் மறைந்துபோகும்.. ஆகையால், உங்களை யாரோ
அவமதித்து இருந்தால் என்ன?, அதனால்
என்ன! உங்களை அவமதித்தவர்
நீண்ட காலத்திற்கு இங்கே இருக்க போவதில்லை. எல்லோரும் மூட்டையை கட்டவேண்டியது
தான். வெறுமனே சென்று விடுவார்கள். மூட்டையை கட்டுவதற்கு இங்கே ஒன்றும் இல்லை.
உங்களுடைய தற்காலிக பயணத்தில் குறைந்தது உங்களுடைய
மூட்டையையாவது கட்ட வேண்டி இருக்கும். ஆனால் இங்கே ஒருநாள் வெறுமனே காணமல் போய்
விடுவீர்கள், அவ்வளவு தான். இந்த தற்காலிகமான பகுதியை பரந்த கண்ணோட்டத்தில்
இருந்து பாருங்கள். வாழ்க்கையை பரந்த சித்திரத்தின் பார்வையில் பார்க்கும் போது
உங்களுக்குள் ஏதோ ஒரு மாற்றம் நிகழும். நீங்கள் விழித்தெழுந்து பார்ப்பீர்கள்.
"ஓ, நான் எதற்காக கவலைப் பட்டுக் கொண்டிருந்தேன்.என்று?நீங்கள் திரும்பி பாருங்கள்,பத்து வருடங்களுக்கு
முன் நீங்கள் கவலைப் பட்டுக்கொண்டிருந்தீர்கள், இன்னும்
நீங்கள் இப்பொழுது இங்கே இருக்கிறீர்கள். ஐந்து வருடங்களுக்கு முன் ஒன்றும்
இல்லாததற்கு கவலைப் பட்டுக்கொண்டிருந்தீர்கள், நீங்கள்
இன்னும் இங்கே இருக்கிறீர்கள், உயிருடன்! எவ்வளவு காலத்தை
தீர்மானிப்பதில், கவலைபடுவதில் மற்றும் ஆக்க வளமற்ற
சிந்தனைகளில் நீங்கள் விரயம் செய்திருக்கிறீர்கள்?ஆமாம்
அல்லவா?
ஆமாம் நம்முடைய அனுபவங்களில் இருந்து நாம் கற்றுக்
கொள்ளவேண்டும். நாம் குறை சொல்வதில் எவ்வளவு காலத்தை விரயம் செய்கிறோம் மற்றும்
நம்முடைய ஆற்றல் எல்லாம் வற்றி விடுகிறது. மற்றும் நோய்கள் வருகின்றன. இரத்த
அழுத்தம், நீரிழிவு
மற்றும் புற்று நோய் போன்றன இவை எல்லாம் ஆக்க வளமற்ற மற்றும் எதிர்மறை எண்ணங்களின்
விளைவுகள். ஆகையால் இந்த சுழற்சி எல்லாவற்றையும் மாற்ற வேண்டும். நாம் எதிர்மறையாக
உணர்கிறோம் பிறகு எல்லாவற்றையும் எதிர்மறையாகவே காண்கிறோம் பிறகு நாம் மன
அழுத்தமாக உணர்கிறோம். நாம் மன அழுத்தமாக உணர்ந்த பின் எதையுமே நேர்மறையாக
பார்ப்பதில்லை மற்றும் இதைப் போல நீங்கள் நச்சு சுழற்சிக்குள் சென்று
விடுகிறீர்கள். அதிலிருந்து நீங்கள் வெளி வர வேண்டும் மற்றும் தியானம், யோகா மற்றும் பிரணாயாமம் எல்லாம் இதைப் பற்றியது தான்- எப்படி உங்கள்
மனதை நிர்வகிப்பது, எப்படி உங்கள் ஆன்மாவை மேம்படுத்துவது
மற்றும் அது தான் உண்மையான ஆசீர்வாதம்.
மூன்று விதமான நம்பிக்கைகள் வாழ்க்கையில்
அத்தியாவசியமானவை. ஒன்று இந்த உலகத்தை ஆண்டு கொண்டிருக்கிற அந்த அளவற்ற சக்தியின்
மீது நம்பிக்கை.
உங்களை சுற்றியுள்ள மக்களின் நற்குணங்களின் மீது
நம்பிக்கை. இந்த உலகத்தில் நல்ல மனிதர்கள் இருக்கிறார்கள், எல்லோரும்
மோசமானவர்கள் என்று நீங்கள் நினைத்தால், பிறகு நீங்களும்
அவர்களை போலவே மோசமானவர் ஆவீர்கள். எல்லோரும் நல்லவர்கள் என்று நீங்கள் நினைத்தால்
பிறகு நீங்கள் மிகச் சிறியவர் ஆகி மற்றும் சுருங்கிஅவர்களில் நீங்கள்
ஒருவராவீர்கள். இந்த கிரகத்தில் நல்ல மனிதர்கள் இருக்கிறார்கள், அவர்களின் சிறப்பில் (நல்ல குணத்தில்) நம்பிக்கை வையுங்கள்.
மூன்றாவது உங்களின் மேல் நம்பிக்கை வையுங்கள். பல
நேரங்களில் மக்கள் அவர்களின் மீதே நம்பிக்கை வைப்பதில்லை மற்றும் அது தான் மிகப்
பெரிய பிரச்னை. ஆகையால்,உங்களின் மீது நம்பிக்கை வையுங்கள், மக்களின்
சிறப்பில் (நல்ல குணத்தில்) நம்பிக்கை வையுங்கள் மற்றும் அளவற்ற சக்தியின் மீது
நம்பிக்கை வையுங்கள். மூன்று விதமான நம்பிக்கைகள் வாழ்க்கையில் அத்தியாவசியமானவை.
பின் நீங்கள் ஆரோக்கியமாக இருப்பீர்கள். இல்லையெனில் நீங்கள் சித்தபிரம்மை
பிடித்தவர் ஆவீர்கள். நீங்கள் சித்த பிரம்மை பிடித்த மக்களை பார்க்கிறீர்களா
அவர்கள் எப்படி நடந்து கொள்கிறார்கள்? அவர்கள்
எல்லாவற்றையும் பார்த்து பயப்படுவார்கள் மற்றும் அவர்கள் தங்களை அறைக்குள் வைத்து பூட்ட
முற்படுகிறார்கள். அது ஒரு மனோ வியாதி. நீங்கள் இந்த மன வியாதியிலிருந்து வெளி
வரமேண்டுமெனில் நீங்கள் ஆரோக்கியமாக இருக்க வேண்டும் மற்றும் மூன்று வகையான
நம்பிக்கைகளை அறிந்து அவற்றை பின்பற்ற வேண்டும்.
இப்பொழுது, நம்பிக்கையை பற்றி புரிந்து கொள்ள
வேண்டுமெனில்,முதலில் சந்தேகத்தை பற்றி அறிய வேண்டும். சந்தேகம்
என்பது எப்பொழுதும் நேர்மறையாக இருக்கும் ,ஏதோ ஒன்றின் மீதுதான்,
இதை கவனித்தீர்களா? நீங்கள் ஒருவரின் நேர்மை
மீது சந்தேகப் படுகிறீர்கள் மற்றும் அவரின் நேர்மையின்மையின் மீது அல்ல.யாராவது
ஒருவர் அவர் நல்லவர் அல்ல என்று சொன்னால், நீங்கள்
நம்புவீர்கள். சரியா! நாம் மற்றவரின் நேர்மையின் மேல் சந்தேகப் படுவோம். யாரவது ஒருவர்
உங்களிடம் " நான் உங்களை மிகவும் நேசிக்கிறேன்" என்று சொன்னால், நீங்கள் "உண்மையாகவா” என்று கேட்பீர்கள்.
யாரவது ஒருவர் உங்களிடம் " நான் உங்களை மிகவும் வெறுக்கிறேன்" என்று
சொன்னால், நீங்கள் "உண்மையாகவா" என்று கேட்க
மாட்டீர்கள். நீங்கள் அவர் வெறுக்கிறார் என்று எடுத்துக்கொள்வீர்கள். ஆகையால்
எப்பொழுதும் அன்பில் மேல் சந்தேகம். யாரவது "நீங்கள் மகிழ்ச்சியாக
இருக்கிறீர்கள்" என்று சொன்னால், "அப்படியா"
என்று சொல்கிறீர்கள். யாரவது "நீங்கள் துக்கமாக இருக்கிறீர்கள்" என்று
சொன்னால், நீங்கள் துக்கத்தில் ஆழ்ந்து விடுகிறீர்கள்
.உங்களின் துக்கத்தின் மேல் எப்பொழுதும் சந்தேகப் படுவதில்லை ஆனால் உங்கள்
மகிழ்ச்சியின் மீது சந்தேகப் படுகிறீர்கள்.
நீங்கள் மகிழ்ச்சியாக இல்லாதபோது நீங்கள் கவலையாக
இருப்பதில் உறுதிப் படுத்துகிறீர்கள். ஆனால் மகிழ்ச்சியாக இருக்கும்போது நீங்கள்
ஏன் உறுதி படுத்துவதில்லை? நமது சந்தேகம் எப்பொழுது நேர்மறையானதின் மீதே. நாம் மக்களின்
நற்குணங்களின் மீது சந்தேகப் படுகிறோம். நமது திறன்களின் மீது சந்தேகப் படுகிறோம்.
நாம் நமது பலவீனங்களின் மீது சந்தேகப் படுவதில்லை. நீங்கள் உங்களின் திறன்களின்
மீது உறுதியாக இருப்பது இல்லை, ஆனால் உங்கள் பலவீனங்களின்
மீது உறுதியாக இருக்கிறீர்கள். நாம் இங்கு ஒரு மாற்றத்தை கொண்டு வரவேண்டும்,
எத்தனை பேர்
ஏற்றுக் கொள்கிறீர்கள், கைகளை உயர்த்துங்கள். நான் உங்களின்
கைகளை மீண்டும் மீண்டும் உயர்த்தச் சொல்கிறேன்,வழக்கமாக
ஆன்மீக சொற்பொழிவுகளில் மக்கள் தூங்கி விடுகிறார்கள் ஆன்மீக
சொற்பொழிவு ரோஜா பூக்களின் படுக்கை போல, தூக்கத்தில்
ஆழ்வதற்கு மிகவும் இனிமையானது. ஆனால் நீங்கள் ஒரு திரைப் படத்தில் தூக்கத்தில்
ஆழ்வதில்லை, ஏனெனில் அது ஒரு முட்படுக்கை போல, உங்களை அது
விழிப்பாய் வைத்திருக்கிறது. குறிப்பாக அது
ஒரு குற்ற படமாக இருந்தால், உங்களுக்கு தூக்கமே வராது.
நீங்கள் இந்து மதக் கோவிலுக்கு சென்றால் அங்கே
எப்பொழுதும் ஒரு தேங்காய் வைத்திருப்பார்கள். ஏன் தெரியுமா? தேங்காய்
மனித வாழ்க்கையின் ஒரு சின்னம். அது ஒரு அதிர்ச்சியை தன்னுள் இழுத்து தக்கவைக்கும்
தன்மை உடையது., நாம் அதை போல நம் வாழ்கையில் இருக்க வேண்டும்,
அதிர்ச்சி உருஞ்சியாக. மிக உயரத்தில் இருந்து தேங்காய் விழும்போது
அது உடைவதில்லை,ஏனெனில் அது அதிர்ச்சியை தாங்கி கொள்கிறது.
நம்முடைய நடத்தை சமூகத்தில் ஒரு அதிர்ச்சி தாங்கி போல இருக்க வேண்டும், நம்முடைய மனதையோ, உணர்ச்சியையோ யாரும் காயப் படுத்த
முடியாது. நமது உடல் தேங்காயின் மேலோடு போல உறுதியாக இருக்க வேண்டும். நமது மனம்
உள்ளே இருக்கும் தேங்காய் (வெண்மையாய் இருக்கும் உட்பகுதி) போல மென்மையாய்
வெண்மையாய் இருந்து உள்ளே இனிப்பான தண்ணீர் போல உணர்வுகளை வெளிப்படுத்த வேண்டும்.
ஆகையால் தான் கோவில்களில் தேங்காய் உடைக்கிறார்கள் மற்றும் "என் அன்பான இறைவா
என்னுடைய வாழ்க்கை இந்த தேங்காய் போல உடல் உறுதியாகவும், மனம்
மென்மையாக, வெண்மையாக மற்றும் இனிப்பாக வைக்கவேண்டும்."
என்பதை உணர்த்த....
அதுவே மாறி இருந்தால் உடல் பலவீனமாகவும், மனம் கல் போல கடினமாகவும் இருந்தால் நீங்கள் பிரச்சனைக்குள்ளாவீர்கள். இன்று இதுதான் பிரச்சினை. நமக்கு
குளிர்ந்த தலை,சூடான பாதம் மற்றும் மென்மையான வயிறு வேண்டும்.இதுதான் நல்ல ஆரோக்கியமான உடல் நலதிற்க்கான ரகசியம். உங்கள் வயிறு மிகவும் கடினமாக இருந்தால் செரிமானத்தில் ஏதோ பிரச்சினை
இருக்கிறது, குடல்கள் சரியாகவில்லை என்று அர்த்தம். ஆகையால் வயிறு மென்மையாக இருக்க வேண்டும்,பாதங்கள் வெது வெதுப்பாக இருக்க
வேண்டும், அதுவே மாறியிருந்தால், குளிர்ச்சியான
பாதங்கள், சூடான தலை மற்றும் கடினமான வயிறு எனில் நீங்கள் நோயுற்றிருக்கிறீர்கள். அது நோயாளிகளின் அறிகுறி. வெது
வெதுப்பான பாதம், குளிர்ச்சியான தலை, மென்மையான தொப்பை
மற்றும் வெது வெதுப்பான இதயம்.
நமது வருமானத்தில் ஒரு சிறு தொகையினை தானம்(தொண்டு, கொடை)
செய்ய வேண்டும். நமது வருமானத்தில் குறைந்த பட்சம் மூன்று சதவிதமாவது தானம் செய்யவேண்டும். நமது வருமானத்தை 100 % முழுவதும் உபயோகிக்க முடியாது.
சமூகத்தில் ஏழை குழந்தைகளுக்கோ அல்லது தேவைப் படுபவருக்கோ தொண்டு செய்ய ஒரு
பகுதியை ஒதுக்க வேண்டும். தானத்தின் மூலம், நமது பணம்
தூய்மையாகிறது. சேவையின் மூலம் நமது செயல் தூய்மையாகிறது. இசையினால் நமது
உணர்வுகள் தூய்மையாகிறது மற்றும் ஞானத்தின் மூலம் நமது புத்தி தூய்மையாகிறது. இந்த
வாழ்க்கை எதற்காக என்ற ஞானம் புத்தியை தூய்மையாக்குகிறது. யோகா, பிரணாயாம மற்றும் உடற் பயிற்சிகள் உடலை தூய்மையாக்குகிறது.
கேள்வி: குருஜி, என்னுடைய கணவர் உண்மையாக இல்லாமல் இருக்கிறார். என்ன செய்வது?
ஸ்ரீ ஸ்ரீ ரவிசங்கர்: எனக்கு இதில்
அனுபவம் இல்லை,இருந்தாலும் நான் சில கருத்துகளை சொல்கிறேன், கணவர் மற்றவர்களால் கவரப் படலாம், அவரின்
மேல் உங்களுடைய பார்வை பரந்த கண்ணோட்டத்தில் இருந்தால் அவருக்கு உங்கள் மீதுள்ள
அன்பு அதிகமாக இருக்கும். நீங்கள் பரந்த மனதோடு இரண்டு அல்லது மூன்று முறை அவரை
மன்னித்தால் மற்றும்
நான்காம் முறை கறாராக மன்னிக்கமுடியாது என்று சொல்லுங்கள்
அவர் திருந்தி விடுவார். முதல் முறையே கறாராக இருக்க வேண்டாம்.. மூன்று மறை அவரை
மன்னித்து விடுங்கள் ஆனால் நான்காம் முறை மன்னிக்காதீர்கள்.
உறவுகளைப் பற்றி ஒரு ரகசியம் உள்ளது, நீங்கள்
தெரிந்து கொள்ள வேண்டுமா? பெண்களுக்கான ரகசியம், நீங்கள் எப்பொழுதும் உங்கள் கணவரை கண்டிப்பாக புகழ்ந்து பேச வேண்டும். அவரை
தாழ்த்தி பேச வேண்டாம். அவருடைய அகந்தையை(ஈகோ) உந்துங்கள். இந்த முழு உலகமும் அவரை
மூளை இல்லாதவர் என்று சொன்னாலும், நீங்கள் சொல்லக் கூடாது.
நீங்கள் ஒரு ஆணின் அகந்தையை தாழ்த்தி பேசினால், அவர் ஒரு
காய்கறி போல் ஆகி விடுவார். "நீங்கள் ஒரு காய்கறி, நீங்கள்
ஒன்றுக்கும் ஆகாதவர்" என்று ஒரு போதும் சொல்லாதீர்கள். நீங்கள் தான் மிகவும்
உயர்வானவர் என்று அவரை புகழ வேண்டும் மற்றும் அவரை ஊக்கப் படுத்துங்கள், அவருக்கு நிறைய புகழாரம் கொடுங்கள், அவர் அகந்தையை உற்சாகப்
படுத்துங்கள். புரிந்ததா?
ஆண்களுக்கான ரகசியம், உங்கள் மனைவியின் உணர்வுகளை
புண்படுத்தாதீர்கள். அவருடைய சகோதரர் அல்லது அம்மா அல்லது அப்பாவை பற்றி புகார்
செய்தால் நீங்கள் அவருடன் சேர்ந்துகொண்டு இகழாதீர்கள், நீங்கள்
அமைதியாக இருக்க வேண்டும். அவருடைய குடும்பத்தை பற்றி புகார் செய்தால் அவரால்
பொறுத்துக் கொள்ள முடியாது. அவர் புகார் செய்யலாம் ஆனால் நீங்கள் வாயை
மூடிக்கொண்டு சும்மா இருக்க வேண்டும் பிறகு வீட்டில் அமைதி இருக்கும். அவர்
கடைக்கு செல்ல விரும்பினால், முடியாது என்று சொல்லாதீர்கள்,
கடன் அட்டையை (கிரெடிட் கார்டு) கொடுத்து அனுப்புங்கள். மத
சம்பந்தமான விழாக்கள் மற்றும் கடைக்கு செல்வதற்கு அவரை(ளை) தடுக்காதீர்கள். ஆன்மீகத்தில் இருப்பது குடும்பத்தில் நாம் செய்ய வேண்டிய கடமைகளுக்கு உதவியாக இருக்கும்.
எத்தனை பேருக்கு இதில் அனுபவம் இருக்கிறது?
நீங்கள் மன ஆரோக்கியம் நன்றாகவும், வலுவாகவும்
புத்திசாலியாகவும் உணர்ந்தால், நீங்கள் எல்லோரையும்
மகிழ்ச்சியாக வைத்திருக்க முடியும்.
கேள்வி: எனக்கு தூங்குவதில்
பிரச்சினை இருப்பதாக உணர்கிறேன்?.
ஸ்ரீ ஸ்ரீ ரவிசங்கர்: நீங்கள் ஆயுர்வேத சிகிச்சை எடுக்க வேண்டும். ஆயுர்வேதத்தில் சங்புஷ்பி
சிரப் என்ற ஒரு சிகிச்சை இருக்கிறது அது நன்றாக தூங்குவதற்கு உதவுகிறது. யோகா மற்றும் பிரணாயமாவும் கூட உதவி செய்யும். படுக்கைக்கு செல்லும் முன் பிரணாயாம செய்ய வேண்டும். தூங்குவதற்கு உதவி செய்யும்.அதே போல சில சீன மூலிகைகள் மற்றும் ஆயுர்வேத மூலிகைகள் இருக்கின்றன அவைகள் உங்கள் உடலை தூய்மை படுத்தவும்,குடல் மற்றும் வயிறை தூய்மையாக்கவும் உபயோக்கிறார்கள். எப்பொழுதாவது ஒரு முறை நீங்கள் அதை எடுத்துக் கொள்ள வேண்டும். திரிபலா ஒரு ஆயுர்வேத மூலிகை அது கல்லீரல் மற்றும் குடலை தூய்மையாக்குகிறது. வாரத்தில் ஒரு முறை இந்த மூலிகைகளை உபயோகிப்பது நல்லது. மற்றும் தினசரி பிரணாயாம, உடற்பயிற்சிகள் உடலை சிறப்பாக்குகிறது.
